ಕಥೊಲಿಕ್ ಸಭಾ ಸಂಪಿಗೆ ಘಟಕ್, ಸ್ತಿ ಸಂಘಟನ್ ಆನಿ ಭಲಾಯ್ಕೆ ಆಯೋಗ್ ಹಾಂಚ್ಯಾ ಮುಖೇಲ್ಪಣಾರ್ ಮೌಂಟ್ ರೋಜರಿ ಆಸ್ಪತ್ರ್ ಆಲಂಗಾರ್ ಹಾಂಚ್ಯಾ ಸಹಾಕಾರಾನ್ ಭಲಾಯ್ಕೆ ಮಾಹೆತ್ ಶಿಬಿರ್ ಆನಿ ಕಾಳ್ಜಾಘಾತ್ ಜಾಲ್ಲ್ಯ ವೆಳಾರ್ ದೀಜಾಯ್ ಜಾಲ್ಲಿ ಪ್ರಥಮ್ ಚಿಕಿತ್ಸಾ ಮಾಹೆತ್ ಶಿಬಿರ್ 02-10- 2022 ವೆರ್ ಆಯ್ತಾರಾ ಪವಿತ್ರ್ ಆತ್ಮ್ಯಚಿ ಫಿರ್ಗಜ್, ಸಂಪಿಗೆ ಸಭಾಸಾಲಾಂತ್ ಆಸಾ ಕೆಲ್ಲೆಂ.
ಮಾಗ್ಣೆಂ ಆನಿ ಭಕ್ತಿಕ್ ಗಿತಾ ದ್ವಾರಿಂ ಕಾರ್ಯಾಕ್ರಮ್ ಆರಂಭ್ ಕೆಲೆಂ. ಹ್ಯಾ ಕಾರ್ಯಾಕ್ರಮಾಕ್ ಮಾಹೆತ್ ದೀಂವ್ಕ್ ಡಾ. ಮಧು ಕೆ.ಪಿ ಹಾಜರ್ ಆಸ್ಲ್ಲೊ. ಹ್ಯಾ ಕಾರ್ಯಾಕ್ರಮಾಕ್ ಮುಖೆಲ್ ಸಯ್ರೆ ಜಾವ್ನ್ ಫಿರ್ಗಜೆಚೊ ವಿಗಾರ್ ಮಾ| ಬಾ| ನೆಲ್ಸನ್ ಒಲಿವೆರಾ, ದಾಂತಾಚೊ ದಾಕ್ತೆರ್ ಡಾ. ತೇಜ್ ಕಿರಣ್ ಶೆಟ್ಟಿ, ಸ್ತ್ರೀಯಾಂಚಿ ದಾಕ್ತರ‍್ನ್ ಡಾ. ಶ್ರೀಮತಿ ಲತಾ ಪೈ ಆನಿ ಡಾ. ಕಾವ್ಯ ಹಾಜರ್ ಆಸ್ಲ್ಲಿಂ. ಫಿರ್ಗಜ್ ಉಪಾಧ್ಯಕ್ಷ್ ರಿಚಾರ್ಡ ಕಾರ್ಡೋಜಾ, ಕಾರ್ಯದರ್ಶಿ ವಿಲ್ಫ್ರೆಡ್ ಮಿಸ್ಕಿತ್, ಆಯೋಗಾಚಿ ಸಂಚಾಲಕಿ ಶ್ರೀಮತಿ ಹಿಲ್ಡಾ ಡಿಸೋಜಾ, ಕಥೊಲಿಕ್ ಸಭಾ ಅಧ್ಯಕ್ಷ್ ರೋಶನ್ ಫೆರ್ನಾಂಡಿಸ್ ಹಾಜರ್ ಆಸ್ಲ್ಲೆ.
ಪಯ್ಲೆಂ ವೆದಿ ಕಾರ್ಯೆಂ ಚಲವ್ನ್ ವೆಲೆಂ. ಶ್ರೀಮತಿ ಹಿಲ್ಡಾ ಡಿಸೋಜಾನ್ ಹಾಜರ್ ಆಸ್ಲ್ಲ್ಯ ಸರ್ವಾಂಕ್ ಸ್ವಾಗತ್ ಕೆಲೊ. ದಿವೊ ಪೆಟೊಂವ್ಚಾ ಸವೆಂ ಕಾರ್ಯೆಂ ಉಗ್ತಾವಣ್ ಕೆಲೆಂ. ಡಾ. ಮಧು ಕೆ.ಪಿ. ಹಾಣೆಂ ಕಾಳ್ಜಾಘಾತ್ ಜಾಲ್ಲ್ಯ ತಕ್ಷಣ್ ದೀಜಾಯ್ ಜಾಲ್ಲ್ಯ ಪ್ರಥಮ್ ಚಿಕಿತ್ಸೆ ವಿಶಿಂ ಸಂಪೂರ್ಣ್ ಮಾಹೆತ್ ದಿಲಿ.
ಕಥೊಲಿಕ್ ಸಭಾ ಕಾರ್ಯದರ್ಶಿ ಶ್ರೀಮತಿ ಲೀನಾ ಡಿಸೋಜಾನ್ ಕಾರ್ಯೆಂ ಚಲವ್ನ್ ವೆಲೆಂ ಆನಿ ಧನ್ಯವಾದ್ ದಿಲೆಂ. ಹ್ಯಾ ಕಾರ್ಯಾಕ್ರಮಾಂತ್ 64 ಜಣಾಂನಿ ಫಾಯ್ದೊ ಜೊಡ್ಲೊ. ಕಾರ್ಯಾಕ್ರಮಾಕ್ ಕಥೊಲಿಕ್ ಸಭೆಚ್ಯಾ ಸಾಂದ್ಯಾನಿ ತಶೆಂಚ್ ಸ್ತ್ರೀ ಸಂಘಟನಾಚ್ಯಾ ಸಾಂದ್ಯಾನಿ ಸಹಕಾರ್ ದಿಲೊ.
