Episcopal City Deanery News

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ ( ರಿ) - ಎಪಿಸ್ಕೊಪಲ್ ಸಿಟಿ ವಾರಾಡೊ ಹಾಣೆಂ ವಿಧಾನ ಪರಿಷದ್ ಸಾಂದೊ - ಎಂ.ಎಲ್.ಸಿ ಶ್ರೀಮಾನ್ ಐವನ್ ಡಿಸೋಜ ಹಾಂಕಾಂ - ಸನ್ಮಾನ್ ಕಾರ್ಯಕ್ರಮ್ - ಸಪ್ಟೆಂಬರ್ 29, 2024 ಅಯ್ತರಾ - ಸಕಾಳಿಂ 10 ವೊರಾರ್ - ಮಂಗ್ಳುರ್ ಶೆಹರಾಚ್ಯಾ ಪ್ರತಿಷ್ಟಿತ್ - ಎಂ.ಸಿ.ಸಿ ಬ್ಯಾಂಕ್ ಹಂಪನ್ ಕಟ್ಟಾ, ಮಂಗ್ಳುರ್ ಹಾಂಗಾ ಅಯೋಜಿತ್ ಕೆಲ್ಲೆಂ.

ಕಾರ್ಯಚೆಂ ಅಧ್ಯಕ್ಷತಾ ಕಥೊಲಿಕ್ ಸಭಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಪ್ರಸ್ತುತ್ ಅಧ್ಯಕ್ಷ್ ಮಾನೇಸ್ತಿಣ್ ಐಡಾ ಫುರ್ಟಾಡೊ ಹಾಣೆಂ ಘೆತ್ಲಿ ಅನಿಂ ಸರ್ವಾಂಕ್ ಸ್ವಾಗತ್ ಕೆಲೊ. ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೊ ವಿಗಾರ್ ವಾರ್ ತಶೆಂಚ್ ಮಿಲಾಗ್ರಿಸ್ ಫಿರ್ಗಜ್ ವಿಗಾರ್ ಬಾಪ್ ಮಾ.ಬಾ.ಬೊನಂವೆಂಚರ್ ನಜ್ರತ್, ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚಿ ಕಥೊಲಿಕ್ ಸಭಾಚೆ ಅತ್ಮಿಕ್ ನಿರ್ದೇಶಕ್ ಮಾ.ಬಾ. ಜೋನ್ ವಾಸ್, ಮಾನಾಚೆ ಸೈರೆ, ಎಂ.ಸಿ.ಸಿ ಬ್ಯಾಂಕ್ ಹಾಚೊ ಚೇರ್ ಮ್ಯಾನ್ ತಶೆಂಚ್ ಸಹಕಾರ ರತ್ನ ಬಿರುದಾಂಕಿತ್ ಮಾನೇಸ್ತ್ ಅನಿಲ್ ಲೋಬೊ, ಕಥೊಲಿಕ್ ಸಭಾಚೆ ಕೇಂದ್ರಾಚೆ ಉಪಾಧ್ಯಕ್ಷ್ ಮಾನೇಸ್ತ್ ಸ್ಟೀವನ್ ರೊಡ್ರಿಗಸ್, ಕಾರ್ಯದರ್ಶಿ ರೋಹನ್ ಸಿಕ್ವೇರಾ ಅನಿ ಕಾರ್ಯಕ್ರಮಚೆ ಸಂಚಾಲಕ್ ರಚನಾ ಸಂಘಟನಾಚೆ ಅಧ್ಯಕ್ಷ್ ಮಾನೇಸ್ತ್ ಜೋನ್ ಮೊಂತೇರೊ ಗಣ್ಯವ್ಯಕ್ತಿ ಜಾವ್ನ್ ವೇದಿರ್ ಉಪಸ್ಥಿತ್ ಅಸ್ಲೆಂ.

ಕಾರ್ಯಾಚೆಂ ಉದ್ಘಾಟನ್ ಕಾರ್ಯೆಂ ಸರ್ವ್ ವೇದಿರ್ ಉಪಸ್ಥಿತ್ ಅಸ್ಲೆಲ್ಯಾ ಗಣ್ಯ್ ವ್ಯಕ್ತಿನಿಂ ಚಲೋವ್ ವೆಲೆಂ. ಉದ್ಘಾಟಕ್ ಮಾ.ಬಾ ಬೊನಂವೆಂಚರ್ ನಜರೇತ್ ಅನಿ ಸಭಾಚೊ - ವಾರಾಡೊ - ಆತ್ಮಿಕ್ ನಿರ್ದೇಶಕ್ ಬಾಪ್ ಜೋನ್ ವಾಸ್ ಹಾಣೆಂ ಪ್ರಸ್ತಾವಿಕ್ ಭಾಷಣ್ ಅನಿಂ ಕಾರ್ಯಕ್ರಮಾಚೊ ಉದ್ದೇಶ್ ಹಾಚೆ ವಿಶಿಂ ಜಮ್ಲೆಲ್ಯಾಂಕ್ ಉದ್ದೇಶಿಸೊನ್ - ಖಂಚ್ಯಾಯೀ - ಸಂಘಟನಾಚೆಂ ಬಳ್ ಜಾವ್ನಾಸಾ - ಚಲವಾದಿ ಜಾಂವ್ಚೆಂ - ಕಿತೆಂ ಅಮಿಂ ಕಾಮ್ ಹಾತಿಂ ಘೆತ್ಲಾಂ ತೆಂ ಪೊಂತಾಕ್ ಪಾವೊಂವ್ಚೆಂ ಅನಿ ತೆಂ ಪೊತಾಂಕ್ ಪಾವೋಂವ್ಕ್ - ಹೆರಾಂಕೀ ಸಂಘಟಿತ್ ಕರ್ಚೆಂ ಕಲಾ ಅಮ್ಕಾಂ ಕರ್ಗತ್ ಜಾವ್ನ್ ಅಸಾಜೆ - ಹೆಂ ಛಲ್ ಅನಿ ಕಾರ್ಯ ನಿರ್ವಾಹಣ್ ಸಾಮರ್ಥ್ಯ್ ಮಾನೆಸ್ತ್ ಐವನ್ ಡಿಸೋಜ ಹಾಜೆ ಥಂಯ್ ಅಸಾ - ತಿ ಅಮಿಂ ಅಮ್ಚ್ಯಾ ಥಂಯ್ ರುತಾ ಕರುನ್ ಘೆಜಾಯ್ ಅನಿ ಮಾರ್ಗದರ್ಶನ್ ಜೋಡಿಜಯ್ ಮ್ಹಳೆ ಸಂದೇಶ್ ತಾಣೆಂ ದಿಲೊ.

ಎಂ.ಎಲ್.ಸಿ. ಮಾನೇಸ್ತ್ ಐವನ್ ಡಿಸೋಜ ಹಾಂಕಾ ಸನ್ಮಾನ್ ಕಾರ್ಯೆಂ ವೊಡಾ ಗದ್ದಾಳಾಯೆನ್ ಮಾಂಡೊನ್ ಹಾಡ್ಲೆಂ. ಸಂಚಾಲಕ್ ಮಾನೆಸ್ತ್ ಜೋನ್ ಮೊಂತೇರೊನ್ ಸನ್ಮಾನಿತ್ ವ್ಯಕ್ತಿ ಮಾನೆಸ್ತ್ ಐವನ್ ಡಿಸೋಜಾಚಿ ವಳಕ್ ಸಭೆಕ್ ದಿಲಿ ಆನಿ ಮಾನೆಸ್ತ್ ಫಿಲಿಪ್ ಪಿರೇರಾನ್ ಮಾನ್ ಪತ್ರ್ ಸಭೆರ್ ವಾಚುನ್ ಸಾಂಗ್ಲೆ. - ಉಪ್ರಾಂತ್ ಸನ್ಮಾನ್ ಸ್ವೀಕಾರ್ ಕರ್ನ್ ಕಾರ್ಯೆಂ ಉದ್ದೇಶಿಸೊನ್ ಸನ್ಮಾನಿತ್ ಮಾನೆಸ್ತ್ ಐವನ್ ಡಿಸೋಜ ಹಾಣೆಂ ಅಪ್ಲೆ ವಿಚಾರ್ ಸಭೆ ಮುಖಾರ್ ವ್ಯಕ್ತ್ ಕೆಲೆ.

ರಾಜಕೀಯ್ ಕ್ಷೇತ್ರ್ ಸಲಿಸಾಯೆಚೆಂ ನ್ಹಯ್. ರಾಜಕೀಯ್ ಆಸಕ್ತ್ ಸಹಜ್ ಜಾವ್ನ್ ಅಮ್ಚೆ ಭಿತರ್ ಥಾವ್ನ್ ಯೆಂವ್ಕ್ ಜಾಯ್. ಹ್ಯಾ ವಾಟೆರ್ ಚಲಾಜಯ್ ತರ್ ಸರ್ವ್ ಲೋಕಾಂಚೊ ಹುಸ್ಕೊ ಅಸೊಂಕ್ ಜಾಯ್ - ಸಳವಳ್ ಗರ್ಜೆಚಿ - ಲೊಕಾಂಚೆ ಕಷ್ಟ್ - ಸುಖ್ - ದೂಖ್ - ಪರಿಗತ್ ಸಮ್ಜೊಂಕ್ ಜಾಯ್ ಅಸಾ ಬರೆಂ ಮ್ಹನ್ ಅನಿಂ ಕಠೀಣ್ ಸೊಸ್ಣಿಕಾಯ್ - ಜಣ್ ಎಕ್ಲ್ಯಾಚ್ಯಾ ಗರ್ಜಾಂಕ್ ಕಾನ್ ದೀಂವ್ಕ್ ಸೊಸ್ಣಿಕಾಯ್ ಭೋವ್ ಗರ್ಜೆಚಿ. ಗರ್ಜೊ ಅಯ್ಕಲ್ಯಾರ್ ಪಾವನಾ ತ್ಯಾ ಗರ್ಜಾಂಕ್ ಸ್ಪಂದನ್ - ಪರಿಹಾರ್ - ವಾ ಜಾಬ್ ದೀಂವ್ಕ್ - ಎಕ್ ಉಗ್ತೊ ಮನೋಭಾವ್ ಅಸೊಂಕ್ ಜಾಯ್ . ಅಶೆಂ ಕೆಲ್ಯಾರ್ ಮಾತ್ರ್ ರಾಜಕೀಯ್ ಕ್ಷೇತ್ರಾಂತ್ ಮುಖಾರ್ ಸರೊಂಕ್ ಸಾಧ್ಯ್ ಜಾತಾ. ತಶೆಂಚ್ ಪರಿಹಾರ್ ಸೊದೊನ್ ಕಾರ್ಯಾಕ್ ದೆಂವ್ಕ್ ಜಾಯ್ - ಕಾರ್ಯೆಂ ಪೊಂತಾಕ್ ಪಾವೊಂವ್ಕ್ ತೀಕ್ಷ್ಣ್ ಹಟ್ ಅನಿಂ ಆತ್ಮಾ ವಿಶ್ವಾಸ್ ಗರ್ಜೆಚೊ - ಹೆಂ ಅಸ್ಲ್ಯಾರ್ ಮಾತ್ರ್ ರಾಜಿಕೀಯ್ ಕ್ಷೇತ್ರ್ ಚಲಿಸಾಯೆಚೆಂ ಮ್ಹಣ್ ಬೊಗ್ತಾ - ಅತಾಂ ರಾಜಕೀಯ್ ಕ್ಷೇತ್ರ್ ಖಾಂಯ್ ವಾಯ್ಟಾಚೆಂ ಕ್ಷೇತ್ರ್ ನ್ಹಯ್ ಬಗಾರ್ ವೊಡಾ ಅವ್ಕಸಾಚೆಂ ಭ0ಡಾರ್ ಜಾವ್ನಾಸಾ - ಸಮಾಜ್ ಸುಧಾರಕ್ ಅಸಾಕ್ತ್ ಅಸ್ಚ್ಯಾ ಸರ್ವಾಂಕ್ ಎಕ್ ಕಾರ್ಯ್ ಕ್ಷೇತ್ರ್ ಜಾಂವ್ಕ್ ಹೆಂ ರಾಜಕೀಯ್ ಕ್ಷೇತ್ರ್ ಪಾವ್ಲಾಂ. ಅಶೆಂ ಅಮಿಂ ಮಾಂಡೊನ್ ಹಾಡ್ಲ್ಯಾ ಸಭಾರ್ ಯೋಜನಾಂ ವಿಶಿಂ ಅನಿ ಕರ್ನಾಟಕ್ ಸರಕಾರನ್ ಅಪ್ಲ್ಯಾ ವರ್ಯ್ ದಿಲ್ಲೆಲ್ಯಾ ಜವಾಬ್ದಾರೆ ವಿಶಿಂ ಮಾನೆಸ್ತ್ ಐವನ್ ಡಿಸೋಜಾನ್ ಸಭೆರ್ ವ್ಹರ್ತೊ ಸಂತೋಸ್ ಉಚಾರ್ಲೊ ಅನಿಂ ಅಮ್ಚ್ಯಾ ಸಮುದಾಯೆಕ್ ಅಪ್ಣೆಂ ಕರೊಂಕ್ ಯೆವ್ಜಿಲ್ಯಾ ಅನಿ ಕೆಲ್ಲ್ಯಾ ಯೋಜನಾಂಚೊ ಆನಿ ಕಾರ್ಯಾಂಚೊ ತಾಣೆ ಸಭೆ ಮುಖಾರ್ ಉಲ್ಲೇಖ್ ಕೆಲೊ. ವಿಧಾನಾ ಪರಿಷತಾಂತ್ ಆಮ್ಚ್ಯಾ ಸಮುದಾಯೆ ಥಾವ್ನ್ ಕರ್ನಾಟಕ ಸರಕಾರಾಂತ್ - ಸಗ್ಲ್ಯಾ ವಿಧಾನಾ ಸಭೆಂತ್ ಅಪುಣ್ ಎಕ್ಲೊ ಕ್ರೀಸ್ತಾಂವ್ ಸಮುದಾಯೆಚೊ ಜಾವ್ನ್ - ಸಗ್ಲ್ಯಾ ಕರ್ನಾಟಕ್ ರಾಜ್ಯಂತ್ ಶ್ರೀಮಾನ್ ಜಾರ್ಜ್ ಸೊಡ್ಲ್ಯಾರ್ ತೆ ಧೊಗ್ ಪ್ರತಿನಿಧಿ ಜಾವ್ನ್ ಅಸಾತ್ ಅನಿ ಅಮ್ಚ್ಯಾ ಸಮುದಾಯೆಚ್ಯಾ ಸಾಂಗಾತಾ ಕಿತೆಂಯೀ ಗರ್ಜ್ ಅಸ್ಲೆಲ್ಯಾ ವೆಳಾರ್ ಸಾಂಗಾತಾ ರಾವೊಂಕ್ ಅಪುಣ್ ಭದ್ದ್ ಮ್ಹಣ್ ತಾಣೆ ಸಭೆಕ್ ತಿಳ್ಸಿಲೆಂ. ಅಮ್ಚ್ಯಾ ಕೊಡಿಯಾಳ್ಚ್ಯಾ ಜನ ಪ್ರತಿನಿಧಿಂಕ್ ರಾಜ್ಯ ಅನಿ ಕೇಂದ್ರ ಸರಕಾರಂತ್ ವಿಶೇಸ್ ಸ್ಥಾನ್ ಮಾನ್ ದಿತಾತ್ ಕಿತ್ಯಾಕ್ ಅಮಿಂ ಶಿಕ್ಪಿ ಅನಿಂ ಬುದ್ವಾಂತ್ – ಆಮಿಂ, ವಿಚಾರ್ ವಿನಿಮಯ್, ಪರಸ್ಪರ್ ಸಂಸ್ಕ್ರತಿ ಅಧಾನ್ ಪ್ರಧಾನ್ ಕರ್ನ್ ಜಿಯೆಂವ್ಕ್ ಸಕ್ತಾಂವ್ ಅನಿಂ ಕಾರ್ಯಾಕ್ ದೇವ್ನ್ ತೆಂ ಸಂಪೂರ್ಣ್ ರಿತಿನ್ ಪೊಂತಾಕ್ ಪಾವೊಂವ್ಕ್ ಸ್ಥಿರ್ ಮಾನೋಭಾವ್ ದವರ್ತಾಂವ್. ಅಮ್ಚ್ಯಾ ಸಮುದಾಯೆಂತ್ ಜನ ಪ್ರತಿನಿಧಿಂಚೊ ಅಭಾವ್ ಅಸಾ - ಅಮಿಂ ಹ್ಯಾ ಕ್ಷೇತ್ರಾಕ್ ಪಾಯ್ ದವರುಂಕ್ ಅನಿ ಜಯ್ತ್ ಜೋಡೊಂಕ್ ಜಾಯ್. ಅಪ್ಣಾಕ್ ಸನ್ಮಾನ್ ಕರ್ನ್ - ಮಾನ್ ಕೆಲ್ಯಾ - ಕಥೊಲಿಕ್ ಸಭಾ - ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚ್ಯಾ ಸರ್ವಾಂಕ್ ತಾಣೆಂ ಧನ್ಯವಾದ್ ಪಾಟಯ್ಲೆ.

ಮಾನೇಸ್ತ್ ಕಿಶೋರ್ ಫೆರ್ನಾಂಡಿಸ್ ಹಾಣೆಂ ಕಾರ್ಯ ನಿರ್ವಹಣ್ ಕೆಲೆಂ. ಮಾನೇಸ್ತ್ ಲ್ಯಾನ್ಸಿ ಲಸ್ರಾದೊ ಸಹ ಸಂಚಾಲಕ್ ಜಾವ್ನ್ ಸಹಕರ್ಸಿಲೆಂ. ಕಥೊಲಿಕ್ ಸಭೆಚ್ಯಾ ವಾರಾಡ್ಯಾಚ್ಯಾ ಕಾರ್ಯದರ್ಶಿ ಮಾನೇಸ್ತ್ ರೋಹನ್ ಎಲ್ ಸಿಕ್ವೇರಾ ಹಾಣೆಂ ಧನ್ಯವಾದಾಚಿಂ ಉತ್ರಾಂ ಉಚಾರ್ಲಿಂ. ವಾರಾಡ್ಯಾಚ್ಯಾ ಸರ್ವ್ ಹುದ್ದೆದಾರಾಂನಿ ಅಪ್ಲೊ ಸಹಕಾರ್ ದೀವ್ನ್ ಕಾರ್ಯೆಂ ಯಶಸ್ವಿಕ್ ಸಹಕಾರ್ ದಿಲೊ. ಅಕ್ರೇಕ್ ರಾಷ್ಟ್ರ್ ಗೀವ್ನ್ ಕಾರ್ಯೆಂ ಅಕೇರ್ ಕೆಲೆಂ.