ರುಜಾಯ್ ಕಾಥೆದ್ರಾಲಾಂತ್, 2024 ಸಪ್ಟೆಂಬರ್ 15 ತಾರೀಕೆರ್ ಕಥೋಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ), ರುಜಾಯ್ ಘಟಕ್ ಆನಿ ಫಿರ್ಗಜ್ ಲಾಯಿಕ್ ಆಯೋಗ್ ಹಾಂಚ್ಯಾ ಜೋಡ್ ಅಸ್ರ್ಯಾ ಖಾಲ್ ರುಜಾಯ್ಚ್ಯಾ ಕೊನ್ಪರೆನ್ಸ್ ಹೊಲಾಂತ್ ಶಿಕ್ಷಂಕಾಚೊ ದಿವಸ್ ಆಚರಣ್ ಕೆಲೊ. ಘಟಕಾಚೊ ಆತ್ಮೀಕ್ ನಿರ್ದೇಶಕ್ ಬಾಪ್ ಭೋವ್ ಆಲ್ಫ್ರೆಡ್ ಜೆ. ಪಿಂಟೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಡಾ. ಜೋನ್ ಡಿಸಿಲ್ವಾ, ಕಾರ್ಯದರ್ಶಿ ಮಾನೆಸ್ತಿಣ್ ಹೆಜಿಲ್ ಮಿನಿಜಸ್, ಘಟಕ್ ಅಧ್ಯಕ್ಷ್ ಮಾನೆಸ್ತ್ ಫಿಲಿಪ್ ಪಿರೇರಾ, ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜ, ವಾರಾಡೊ ಅಧ್ಯಕ್ಷ್ ಮಾನೆಸ್ತಿಣ್ ಐಡಾ ಫುರ್ಟಾಡೊ, ಫಿರ್ಗಜ್ ಲಾಯಿಕ್ ಆಯೋಗಾಚಿ ಸಂಚಾಲಕ್ ತಶೆಂಚ್ ಘಟಕಾಚಿ ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತಿಣ್ ಜೇನ್ ರೊಜಾರಿಯೊ, 21 ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ ವೆದಿಕಾರ್ಯಾಕ್ ಹಾಜರ್ ಅಸ್ಲಿಂ.
ಮಾನೆಸ್ತಿಣ್ ಮೇಬಲ್ ಡಿಸೋಜಾಚ್ಯಾ ಮುಖೆಲ್ಪಣಾಖಾಲ್ ಪವಿತ್ರ್ ಆತ್ಮ್ಯಾಚೆಂ ಗೀತ್, ನಿಯಾಳ್ ಆನಿ ಸಭೆಚೆಂ ಮಾಗ್ಣೆಂ ವಾಚುನ್ ಕಾರ್ಯಾಚಿ ಸುರ್ವಾತ್ ಕೆಲಿ. ಅಧ್ಯಕ್ಷಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಮೊಗಾಚೊ ಯೆವ್ಕಾರ್ ಮಾಗೊವ್ನ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ.
ವೆದಿರ್ ಹಾಜರ್ ಅಸ್ಲ್ಯಾ ಮಾನಾಚ್ಯಾ ಸೈರ್ಯಾಂನಿ ದಿವೊ ಪೆಟವ್ನ್ ಉಜ್ವಾಡಾ ಮುಖಾಂತ್ರ್ ಕಾರ್ಯೆಂಚೆಂ ಉಗ್ತಾವಣ್ ಕೆಲೆಂ.
ಕಾರ್ಯಾಚೆಂ ಮುಖೆಲ್ ಸೈರೊ ಜಾವ್ನ್ ಹಾಜರ್ ಅಸ್ಲ್ಯಾ ವಿಗಾರ್ ಬಾಪಾಂನಿ ಹಾಜರ್ ಅಸ್ಲ್ಯಾ ಆನಿ ಕಾರಣಾಂತರ್ ಹಾಜರ್ ಜಾಂವ್ಕ್ ಜಾಯ್ನಾತ್ಲ್ಯಾ ರುಜಾಯ್ ಫಿರ್ಗಜೆಚ್ಯಾ ಸರ್ವ್ ಶಿಕ್ಷಕಾಂಕ್ ಶಿಕ್ಷಕ್ ದಿಸಾಚೆಂ ಉಲ್ಲಾಸ್ ಪಾಠಯ್ಲೆಂ ಆನಿ ತಾಣಿಂ ಫಿರ್ಗಜ್ ಕುಟ್ಮಾಕ್ ದಿಂವ್ಚ್ಯಾ ಸೆವೆ ಖಾತಿರ್ ತಾಂಚೊ ಉಪ್ಕಾರ್ ಬಾವುಡ್ಲೊಂ. ತಶೆಂಚ್ ಹರ್ಯೆಕಾ ಶಿಕ್ಷಕಾಂನಿ ಜೆಜು ಕ್ರಿಸ್ತಾಚೆಂ ಆದರ್ಶ್ ಘೆವ್ನ್ ಏಕ್ ಖರೊ ಶಿಕ್ಷಕ ವ ಶಿಕ್ಷಕಿ ಜಾಂವ್ಕ್ ಅಪೊವ್ಣೆಂ ದಿಲೆಂ.
ಶಿಕ್ಷಕ್ / ಶಿಕ್ಷಕಿ / ಪ್ರೊಪೆಸರ್ ಜಾವ್ನ್ ಸೆವಾ ದೀವ್ನ್ ನಿವೃತ್ತಿ ಜಾಲ್ಲ್ಯಾ ಪ್ರೊಪೆಸರ್ ಡಾ. ಜೋನ್ ಡಿಸಿಲ್ವಾ, ಶಿಕ್ಷಕಿ ಮಾನೆಸ್ತಿಣ್ ಹೆಜಿಲ್ ಮಿನೆಜಸ್ ಆನಿ ಶಿಕ್ಷಕಿ ಮಾನೆಸ್ತಿಣ್ ವಿವಿಯಾನಾ ಮೊಂತೇರೊ ಹಾಂಕಾ ವೆದಿರ್ ಅಸ್ಲ್ಯಾ ಮಾನಾಚ್ಯಾ ಸೈರ್ಯಾಂನಿ ಶೊಲ್ ಪಾಂಗ್ರುನ್, ಪುಲಾಂ, ಫಳಾಂ, ಮಾನ್ ಪತ್ರ್ ಆನಿಂ ಯಾದಿಸ್ತಿಕಾ ಸವೆಂ ಸನ್ಮಾನ್ ಕೆಲೊ. ಮನೆಸ್ತಿಣ್ ಜೇನ್ ರೊಜಾರಿಯೊ, ಮಾನೆಸ್ತಿಣ್ ರೀಟಾ ಡಿಸೋಜ ಆನಿ ಮಾನೆಸ್ತಿಣ್ ಡೋರಿನ್ ಡಿಸೋಜಾನ್ ಸನ್ಮಾನಿತಾಂಚೆ ಮಾನ್ ಪತ್ರ್ ತಯಾರ್ ಕರ್ನ್ ಸಭೆರ್ ವಾಚುನ್ ಸಾಂಗ್ಲೆಂ. ಸನ್ಮಾನಿತಾಂಚ್ಯಾ ತರ್ಪೆನ್ ಪ್ರೊಪೆಸರ್ ಡಾ. ಜೋನ್ ಡಿಸಿಲ್ವಾ ಹಾಣಿಂ ಅಪ್ಲಿಂ ಬೊಗ್ಣಾ ಉಚಾರ್ನ್ ಸನ್ಮಾನ್ ಕೆಲ್ಲಾ÷ಪಾಸತ್ ಕಥೋಲಿಕ್ ಸಭೆಚೊ ಆನಿ ಫಿರ್ಗಜ್ ಲಾಯಿಕ್ ಆಯೋಗಾಚೊ ಉಪ್ಕಾರ್ ಬಾವುಡ್ಲೊಂ.
.jpg)
.jpg)
.jpg)
.jpg)
.jpg)
.jpg)
.jpg)
ಹಾಜರ್ ಅಸ್ಲ್ಯಾ ಸರ್ವ್ ಶಿಕ್ಷಕಾಂಕ್ ಅಧ್ಯಕ್ಷ್, ವಿಗಾರ್ ಬಾಪ್ ಆನಿ ಮಾನೆಸ್ತ್ ಸಿರಿಲ್ ರೊಜಾರಿಯೊನ್ ಉಡಾಸಾಚಿಂ ಕಾಣಿಕ್ ದೀವ್ನ್ ಮಾನ್ ಕೆಲೆಂ. ಮಾನೆಸ್ತಿಣ್ ಐಡಾ ಫುರ್ಟಾಡೊನ್ ಶಿಕ್ಷಕಾಂಚಿ ನಾಂವಾ ವಾಚುನ್ ಸಾಂಗ್ಲಿ.
ಕಥೊಲಿಕ್ ಸಭೆಚೊ ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜಾನ್ ವೆದಿರ್ ಹಾಜಾರ್ ಅಸ್ಲ್ಯಾ ಮುಖೆಲ್ ಸೈರೊ ಆನಿ ಮಾನಾಚ್ಯಾ ಸೈರ್ಯಾಂಚೊ, ತಶೆಂಚ್ ಹ್ಯಾ ಕಾರ್ಯಾಚ್ಯಾ ಯಶಸ್ವಿಕ್ ಸಹಕರ್ಸಿಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.
ಫಿರ್ಗಜ್ ಲಾಯಿಕ್ ಆಯೋಗಾಚೊ ಸಾಂದೊ ಮಾನೆಸ್ತ್ ವಿನಯ್ ಸೆರಾವೊನ್ ಕಾರ್ಯೆ ನಿರ್ವಹಣ್ ಕೆಲೆಂ. ಕಥೊಲಿಕ್ ಸಭೆಚ್ಯಾ ತಶೆಂಚ್ ಫಿರ್ಗಜ್ ಲಾಯಿಕ್ ಆಯೋಗಾಚ್ಯಾ ಸರ್ವ್ ಹುದ್ದೆದಾರಾಂನಿ ಹ್ಯಾ ಕಾರ್ಯಾಚ್ಯಾ ಯಶಸ್ವಿಕ್ ಅಪ್ಲೊ ಬರ್ಫೂರ್ ಸಹಕಾರ್ ದಿಲೊ. ಅಕೇರಿಕ್ ಅರ್ಗಾಂ ಗೀತ್ ಗಾವ್ನ್ ಕಾರ್ಯೆಂ ಅಕೇರ್ ಕೆಲೆಂ.
