Episcopal City Deanery News

2024 ಡಿಸೆಂಬರ್ ಮಹಿನ್ಯಾಚ್ಯಾ 15 ತಾರಿಕೆರ್, ಆಯ್ತಾರಾ ದೀಸ್, 8 ವರಾಚ್ಯಾ ಮಿಸಾಚ್ಯಾ ಬಲಿದಾನಾಂ ಸವೆಂ ಕಥೊಲಿಕ್ ಸಭಾ ರುಜಾಯ್ ಘಟಕ್ ಆನಿ ಆನಿ ಗೊವ್ಳಿಕ್ ಪರಿಷದ್ ಲಾಯಿಕ್ ಆಯೋಗಾಚ್ಯಾ ಮುಖೆಲ್ಪಣಾಖಾಲ್ ರುಜಾಯ್ ಫಿರ್ಗಜೆಂತ್ಲ್ಯಾ ಮಾಲ್ಘಡ್ಯಾಂ ಖಾತಿರ್ ಮಾಲ್ಘಡ್ಯಾಂಚೊ ದಿವಸ್ ಆಚರಣ್ ಕಾರ್ಯಕ್ರಮ್ ಸಾದರ್ ಜಾಲೆಂ. ಒಟ್ಟು 110 ಮಾಲ್ಘಡಿಂ ಅಶೆಂ ಸರಿ ಸುಮಾರ್ 130 ಲೋಕ್ ಹಾಜರ್ ಅಸ್ಲೊಂ.

ಮಿಸಾ ಉಪ್ರಾಂತ್ ಸಕಾಳಿಂ 9.30 ವೊರಾಂ ಪರ್ಯಾಂತ್ ಕಾಫಿ - ಫಳ್ಹಾರ್ ಜಾಲ್ಲ್ಯಾ ಉಪ್ರಾಂತ್ ವೆದಿಂ ಕಾರ್ಯೆಂ ಪ್ರಾರಂಭ್ ಜಾಲೆ. ಮಾನೆಸ್ತಿಣ್ ಡೊರಿನ್ ಡಿಸೋಜ ಆನಿ ಕಥೊಲಿಕ್ ಸಭೆಚ್ಯಾ ಹುದ್ದೆದಾರಾಂಚ್ಯಾ ಮುಖೆಲ್ಪಣಖಾಲ್ ಪವಿತ್ರ್ ಆತ್ಮಾಚೆ ಗೀತ್, ದೆವಾಚೆ ಉತಾರ್, ನಿಯಾಳ್ ಆನಿ ಮಾಗ್ಣ್ಯಾ ದ್ವಾರಿಂ ಕಾರ್ಯಚಿಂ ಸುರ್ವಾತ್ ಜಾಲಿಂ.

ಆತ್ಮೀಕ್ ದಿರೊಕ್ತರ್ ತಶೆಂಚ್ ವಿಗಾರ್ ಬಾಪ್ ಭೋವ್ ಮಾನಾಧಿಕ್ ಆಲ್ಫ್ರೆಡ್ ಜೆ. ಪಿಂಟೊ, ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ) ಅಧ್ಯಕ್ಷ್ ಮಾನೆಸ್ತ್ ಫಿಲಿಪ್ ಜೆ. ಪಿರೇರಾ, ಸಹಕಾರ್ಯದರ್ಶಿ ಮಾನೆಸ್ತಿಣ್ ಮೇಬಲ್ ಡಿಸೋಜ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋನ್ ಡಿಸಿಲ್ವಾ, ಕಾರ್ಯದರ್ಶಿ ಮಾನೆಸ್ತಿನ್ ಹೆಹ್ಜಿಲ್ ಮಿನೆಜಸ್, ವಿಸಾಂನಿ ಏಕ್ ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ, ವಾರಾಡೊ ಅಧ್ಯಕ್ಷ್ ಮಾನೆಸ್ತಿಣ್ ಐಡಾ ಫುರ್ಟಾಡೊ, ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತಿಣ್ ಜೇನ್ ರೊಸಾರಿಯೊ ವೆದಿರ್ ಹಾಜರ್ ಅಸ್ಲೆಂ.

ಅಧ್ಯಕ್ಷ್ ಮಾನೆಸ್ತ್ ಫಿಲಿಪ್ ಜೆ. ಪಿರೇರಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ ಆನಿ ಐಡಾ ಫುರ್ಟಾಡೊನ್ ಗುಲೋಬ್ ದೀವ್ನ್ ಸ್ವಾಗತ್ ಕೆಲೆಂ.

ಆತ್ಮೀಕ್ ದಿರೊಕ್ತರ್ ತಶೆಂಚ್ ವಿಗಾರ್ ಬಾಪ್ ಭೋವ್ ಮಾನಾಧಿಕ್ ಆಲ್ಫ್ರೆಡ್ ಜೆ. ಪಿಂಟೊ ಹಾಂಚೊ ಪ್ಲಾಟಿನಮ್ ಜುಬುಲಿ (70) ವರ್ಸಾಚೊ ಜಲ್ಮಾ ದಿವಸ್ ಆಚರಣ್ ಸಂಭ್ರಮ್ ಕೇಕ್ ಕಾತರ್ನ್, ಫುಲಾಂಚೊ ತುರೊ ದೀವ್ನ್ ಆಚರಣ್ ಕೆಲೆಂ. ಮಾನೆಸ್ತಿಣ್ ಐಡಾ ಫುರ್ಟಾಡೊನ್ ವಿಗಾರ್ ಬಾಪಾಂಕ್ ಉಲ್ಲಾಸುಂಚಿ ದೋನ್ ಉತ್ರಾಂ ಸಭೆರ್ ಸಾಂಗ್ಲಿ.

ಉಪ್ರಾಂತ್ ಬಾಪಾಂನಿ ಕಥೊಲಿಕ್ ಸಭೆಕ್ ಅಪ್ಲೊ ಜಲ್ಮಾ ದಿವಸ್ ಆಚರಣ್ ಕೆಲ್ಲ್ಯಾಕ್ ದಿನ್ವಾಸ್ ಪಾಠೊವ್ನ್, ಸರ್ವ್ ಮಾಲ್ಘಡ್ಯಾಂಚ್ಯಾ ಹಾಜರ್ಪಣಾಕ್ ಧಿನ್ವಾಸುನ್, ಹಾಜರ್ ಅಸ್ಲ್ಯಾ ಸರ್ವಾಂಕ್ ಆಶೀರ್ವಾದಿತ್ ಕೆಲೆಂ.

ಹಾಜರ್ ಅಸ್ಲ್ಯಾ ಮಾಲ್ಘಡ್ಯಾ ಮಧೆಂ ಜಲ್ಮಾ ದಿವಸ್ ಆಚರಣ್ ಕರ್ಚ್ಯಾಂ ಮಾಲ್ಘಡ್ಯಾಂಕ್ ವೆದಿಕ್ ಅಪೊವ್ನ್ ಗುಲೊಬ್ ದೀವ್ನ್ ಜಲ್ಮಾ ಗೀತ್ ಗಾವ್ನ್ ಜಲ್ಮಾ ದಿವಸಾಚೆ ಶುಭಾಶಯ್ ಪಾಠಯ್ಲೆಂ.

ಕಥೊಲಿಕ್ ಸಭಾ ರುಜಾಯ್ ಘಟಕ್ ತಶೆಂಚ್ ಲಾಯಿಕ್ ಆಯೋಗಾಚ್ಯಾ ತರ್ಪೆನ್ ವಿಗಾರ್ ಬಾಪಾಂನಿ ಸಾಂಕೇತಿಕ್ ಥರಾನ್ ಹಾಜರ್ ಅಸ್ಲ್ಯಾ ಸರ್ವ್ ಮಾಲ್ಘಡ್ಯಾಂ ತರ್ಪೆನ್ ಮಾನೆಸ್ತ್ ಸಲ್ವದೊರ್ ಡಿಸೋಜ್, ಮಾನೆಸ್ತಿಣ್ ಜೇನ್ ರೊಜಾರಿಯೊ, ಡಾ. H R ಫೆರ್ನಾಂಡಿಸ್, ಡಾ. ಜೋನ್ ಡಿಸಿಲ್ವಾಕ್ ಹಾಂಕಾ ಮೊಗಾಚಿ ಕಾಣಿಕ್ ದಿಲಿಂ. ಅಧ್ಯಕ್ಷಾನ್ ವಿಗಾರ್ ಬಾಪಾಂಕ್ ಉಡಾಸಾಚಿ ಕಾಣಿಕ್ ದಿಲಿಂ. ಜೆವ್ಣಾಂ ಉಪ್ರಾಂತ್ ಹಾಜರ್ ಅಸ್ಲ್ಯಾ ಸರ್ವ್ ಮಾಲ್ಘಡ್ಯಾಂಕ್ ಮೊಗಾಚಿ ಕಾಣಿಕ್ ದೀವ್ನ್ ತಾಂಚ್ಯಾ ಹಾಜರ್ಪಣಾಚೊ ಉಪ್ಕಾರ್ ಬಾವುಡ್ಲೊಂ.

ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಡಾ. ಜೋನ್ ಡಿಸಿಲ್ವಾನ್ ಸಭೆಕ್ ಉದ್ದೇಶಿಸುನ್ ಅಪ್ಲಿಂ ಬೊಗ್ಣಾಂ ಉಚಾರ್ಲಿಂ.

ಕಥೊಲಿಕ್ ಸಭೆಚಿ ಕಾರ್ಯದರ್ಶಿ ಮಾನೆಸ್ತಿಣ್ ಮಾನೆಸ್ತಿಣ್ ಮೇಬಲ್ ಡಿಸೋಜಾನ್ ವೆದಿರ್ ಅಸ್ಲ್ಯಾ ಮಾನಾಚ್ಯಾ ಸೈರ್ಯಾಂಚೊ, ಸಭೆರ್ ಅಸ್ಲ್ಯಾ ಸರ್ವ್ ಮಾಲ್ಘಡ್ಯಾಂಚೊ ಆನಿ ಕಾರ್ಯಾಚ್ಯಾ ಯಶಸ್ವಿಕ್ ಕರುಂಕ್ ಸಹಕರ್ಸಿಲ್ಲ್ಯಾ ಆಧಾರ್ಸಿಲ್ಯಾ ಸುದಾರಿಸ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.

ಅಧ್ಯಕ್ಷ್ ಮಾನೆಸ್ತ್ ಫಿಲಿಫ್ ಜೆ. ಪಿರೇರಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ರುಜಾಯ್ ಫಿರ್ಗಜೆಚ್ಯಾ ವೈ.ಸಿ.ಎಸ್. ಭುರ್ಗ್ಯಾಂನಿ ಭೋವ್ ಸೊಭಿತ್ ನಾಚ್ ಪ್ರದರ್ಶನ್ ಕೆಲೊ. ಅಧ್ಯಕ್ಷ್ ಮಾನೆಸ್ತ್ ಫಿಲಿಫ್ ಜೆ. ಪಿರೇರಾನ್ ಆನಿ ಮಾನೆಸ್ತಿಣ್ ಐಡಾ ಫುರ್ಟಾಡೊನ್ ಭರ್ಪೂರ್ ಮನೊರಂಜನ್ ಖೆಳ್ ಆನಿ ಕ್ವಿಜ್ ಮಾಂಡುನ್ ಹಾಡ್ಲೆಂ. ಮಾನೆಸ್ತಿಣ್ ಡೋರಿನ್ ಡಿಸೋಜ ಆನಿ ಮಾನೆಸ್ತಿಣ್ ಶಹಿಲಾ ಡಿ. ಅಲ್ಮೇಡಾನ್ ಸುಮಧರ್ ಗೀತ್ ಗಾವ್ನ್ ಹಾಜರ್ ಅಸ್ಲ್ಯಾಂಕ್ ಮನೋರಂಜಿತ್ ಕೆಲೆ.

ಕುಮಾರಿ ಡ್ಯಾಫ್ನಿ ಡಿಸೋಜ ಆನಿ ಮಾನೆಸ್ತಿಣ್ ಶಹಿಲಾ ಡಿ. ಅಲ್ಮೇಡಾನ್ ಹೌಸಿ ಹೌಸಿ ಖೆಳ್ ಚಲೊನ್ ವೆಲೆಂ. ಮಾಲ್ಘಡ್ಯಾ ತರ್ಪೆನ್ ಮಾನೆಸ್ತಿಣ್ ಒಲ್ಗಾ ಲೋಬೊನ್ ಪದ್ ಗಾಯ್ಲೆಂ ಆನಿ ಮಾನೆಸ್ತಿಣ್ ಜೆಸಿಂತಾ ಡಿಸೋಜಾನ್ ಅಪ್ಣಾಚಿ ಬೊಗ್ಣಾಂ ಉಚಾರ್ಲಿಂ.

ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊನ್ ಸಂದೇಶ್ ದೀವ್ನ್ ಮಾಗ್ಣೆಂ ಕೆಲೆಂ. ಫಾ ವಲೇರಿಯನ್ ಫ್ರಾಂಕಾನ್ ಅಪ್ಲೊ ಸಂದೇಶ್ ದಿಲೊ. ವಿಗಾರ್ ಬಾಪಾಂನಿ ಜೆವ್ಣಾಚೆರ್ ದೆವಾಚಿ ಅಶೀರ್ವಾದ್ ಮಾಗ್ಲೆಂ. ಕುಟ್ಮಾಂ ಜೆವ್ಣಾ ಸವೆಂ ಕಾರ್ಯೆಂ ಅಕೇರ್ ಜಾಲೆಂ.

ಕಥೊಲಿಕ್ ಸಭೆಚ್ಯಾ ಸರ್ವ್ ಹುದ್ದೆದಾರಾಂನಿ ನೋಂದಣಿ ಕಾರ್ಯೆಂ, ಜೆವ್ಣಾಕ್ ಸಹಕಾರ್, ಅಶೆಂ ವಿವಿಧ್ ರೀತಿನ್ ಕುಮೊಕ್ ಕರ್ನ್ ಕಾರ್ಯೆಂ ಯಶಸ್ವಿ ಜಾಂವ್ಕ್ ಸಹಕಾರ್ ದಿಲೊ.