ರಾಣಿಪುರ ಘಟಕಾಂತ್ ಫಿರ್ಗಜ್ ಹಂತಾರ್ ಭಾಷಣ್ ಸ್ಫರ್ಧೊ ಅಕ್ಟೋಬರಚಾ 30 ತಾರಿಕೆರ್ ಆಯ್ತಾರಾ ದನ್ಪರಾಂ 3 ವರಾರ್ ರಾಣಿಪುರ ಸೊಸೈಟಿ ಹೊಲಾಂತ್ ಮಾಂಡುನ್ ಹಾಡ್ಲೊ. ವಿಗಾರ್ ಬಾಪ್ ಜಯಪ್ರಕಾಶ್ ಸೋಜಾನ್ ಭಾಷಣ್ ಸ್ಫರ್ದ್ಯಾಕ್ ಬರೆಂ ಮಾಗೊನ್ ಫಿರ್ಗಜೆಚಾ ಲೊಕಾಂನಿ ಅಪ್ಲ್ಯಾ ಭುರ್ಗ್ಯಾಂಕ್ ಭುರ್ಗ್ಯಾಪಣಾರ್ ಉತ್ತೇಜಿತ್ ಕರ್ನ್ ಭಾಷಣ್ ಕಲಾ ವಾಡಂವ್ಕ್ ಉಲೊ ದಿಲೊ. ವರಯ್ಣಾರ್ ಜಾವ್ನ್ ನಿತ್ಯಾದರ್ ಫಿರ್ಗಜೆಚಿ ರೀಟಾ ಡಿಸೋಜ ಆನಿ ಪೆರ್ಮನ್ನೂರು ಫಿರ್ಗಜೆಚಿ ದೆಲ್ಪಿನ್ ಡಿಸೋಜ ವೇದಿರ್ ಹಾಜರ್ ಆಸ್ಲಿ.
ಅಧ್ಯಕ್ಷ್ ನವೀನ್ ಡಿಸೋಜಾನ್ ಸೈರ್ಯಾಂಕ್ ಮಾನಾಚೊ ಸ್ವಾಗತ್ ಮಾಗ್ಲೊ. 36 ಭುರ್ಗ್ಯಾಂನಿ ಸ್ಫರ್ದ್ಯಾಂತ್ ಭಾಗ್ ಘೆತ್ಲೊ. ಭಾಷಣ್ ಸ್ಫರ್ಧೊ ಸಂಚಾಲಕಿ ಎಮಿಲಿಯಾನಾ ಗೊನ್ಸಾಲ್ವಿಸಾನ್ ಕಾರ್ಯೆಂ ಚಲವ್ನ್ ವ್ಹರ್ನ್ ಧನ್ಯವಾದ್ ಪಾಟಯ್ಲೆಂ. ಸಹ ಸಂಚಾಲಕ್ ಹೆರಾಲ್ಡ್ ಲೋಬೊನ್ ವರಯ್ಣಾರಾಂಚಿ ವಳಕ್ ಕರ್ನ್ ದಿಲಿ. ಫಳಿತಾಂಶ್ ಪ್ರಗಟ್ ಕರ್ನ್ ವಾರಾಡೊ ಹಂತಾಚಾ ಸ್ಫರ್ಧ್ಯಾಚೊ ವಿವರ್ ದೀವ್ನ್ ವಿಜೇತ್ ಜಾಲ್ಲ್ಯಾಂಕ್ ಉಲ್ಲಾಸ್ ಪಾಟವ್ನ್ ಭಾಗ್ ಘೆತ್ಲ್ಯಾ ಸ್ಫರ್ಧಿಂಕಾಂಕ್ ಆನಿ ಪಾಟಿಂಬೊ ದಿಲ್ಲ್ಯಾ ವ್ಹಡಿಲಾಂಚೊ ಉಪ್ಕಾರ್ ಆಟಯ್ಲೊ.
.jpg)
