ಸಾಂ ಜುಜೆ ಕಾಮೆಲಿ ಫಿರ್ಗಜ್ ನೀರ್ಮಾರ್ಗ, ಲಾಯಿಕ್ ಆಪೊಸ್ತಾಲಾದಿಚೊ ಆಯೋಗ್, ವಾವ್ರಾಡ್ಯಾಂಚೊ ಆಯೋಗ್ ಆನಿ ಕಥೊಲಿಕ್ ಸಭೆಚ್ಯಾ ಜೋಡ್ ಆಶ್ರಯಖಾಲ್ ಫಿರ್ಗಚೆಂತ್ಲ್ಯಾ 2021 - 2022 ಶೈಕ್ಷಣಿಕ್ ವರ್ಸಾಂತ್ 85% ಆನಿ ಚಡಿತ್ ಅಂಕ್ ಅಪ್ಣಾಯಿಲ್ಲ್ಯಾ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಸನ್ಮಾನ್ ಕರ್ಚೆಂ ಕಾರ್ಯೆಂ ಆನಿ ಮತದಾನಾಚೆ ಹಕ್ಕ್ ಆನಿ ಮಹತ್ವ್ ಅಸಂಘಟಿತ್ ವಾವ್ರಾಡ್ಯಾಂಚೆಂ
ಹಾಚೆವಿಶಿಂ ಮಾಹೆತ್ ಕಾರ್ಯಾಗಾರ್ (ನೊಂದಾವ್ಣಿ ಆನಿ ನವೀಕರಣ್) ಕಾರ್ಯೆಂ ಅಕ್ತೋಬರ್ 9 ವೆರ್ ಸಾಕಾಳಿಂ 7:15 ಚ್ಯಾ ಮಿಸಾ ಉಪ್ರಾಂತ್ ಮಾಂಡುನ್ ಹಾಡ್'ಲ್ಲೆಂ. ಕಾರ್ಯಾಕ್ ಫಿರ್ಗಜ್ ವಿಗಾರ್ ಬಾಪ್ ಆನಿಲ್ ಡಿ'ಮೆಲ್ಲೊ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ರವಿ ಸಲ್ಡಾನಾ ಆನಿ ಕಾರ್ಯದರ್ಶಿ ಶ್ರೀ ಪ್ರಕಾಶ್ ಪಿರೇರಾ, ಗೊವ್ಳಿಕ್ ಆಯೋಗಚೊ ಸಂಯೋಜಕ್ ಶ್ರೀ ಮೌರಿಸ್ ರೇಂಜಲ್, ಸಂಪನ್ಮೂಳ್ ವ್ಯಕ್ತಿ C.O.D.P ಸಂಸ್ಥ್ಯಾಚಿ ಸಂಯೋಜಕಿ ಶ್ರೀಮತಿ ರೀಟಾ ಡಿಸೋಜಾ ಆನಿ ಶ್ರೀ ಎವ್ಜಿನ್ ಡಿ'ಕುನ್ಹಾ, ಆಪೋಸ್ತಾಲಾದಿಚೊ ಆಯೋಗಾಚಿ ಸಂಚಾಲಕಿ ಶ್ರೀಮತಿ ಶೈಲಾ ಡಿ'ಸೋಜಾ, ವಾವ್ರಾಡ್ಯಾಂಚೊ ಆಯೋಗಾಚೊ ಸಂಚಾಲಕ್ ಶ್ರೀ ಹೈಬರ್ಟ್ ಸಲ್ಡಾನಾ, ಕಥೊಲಿಕ್ ಸಭೆಚಿ ಅಧ್ಯಕ್ಷ್ ಶ್ರೀಮತಿ ಮೋಲಿ ಸಲ್ಡಾನಾ ಹಾಜರ್ ಆಸ್'ಲ್ಲಿಂ.
ವಾವ್ರಾಡ್ಯಾಂಚೊ ಆಯೋಗಾಚೊ ಸಂಚಾಲಕ್ ಶ್ರೀ ಹೈಬರ್ಟ್ ಸಲ್ಡಾನಾನ್ ಸರ್ವಾಂಕ್ ಸ್ವಾಗತ್ ಕೆಲೊ, ಕಥೊಲಿಕ್ ಸಭೆಚೊ ಖಜಾನ್ದಾರ್ ಶ್ರೀ ಫ್ರಾನ್ಸಿಸ್ ಗೊನ್ಸಾಲ್ವಿಸಾನ್ ಪ್ರತಿಭಾನ್ವಿತ್ ಭುರ್ಗ್ಯಾಂಚಿ ನಾಂವಾಂ ವಾಚ್ಲಿಂ. ಹ್ಯಾ ಕಾರ್ಯಾಚೊ ಅಧ್ಯಕ್ಷ್ ಜಾವ್ನ್ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಮಾನ್ ಕರ್ನ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ , ಭಾರಾತಾಚಿ ಸಂವಿದಾನ್ ಆನಿ ಹಕ್ಕಾಂ ವಿಶ್ಯಾಂತ್ ಸಂದೇಶ್ ದೀವ್ನ್ ವಿಗಾರ್ ಬಾಪಾನಿಂ ಬರೆಂ ಮಾಗ್ಲೆಂ.
ಫಿರ್ಗಜ್ ಉಪಾಧ್ಯಕ್ಷ್ ಶ್ರೀ ರವಿ ಸಲ್ಡಾನಾನ್ ವಾವ್ರಾ ವಿಶ್ಯಾಂತ್ ಸಂದೇಶ್ ದಿಲೊ, ಕಾರ್ಯದರ್ಶಿ ಶ್ರೀ ಪ್ರಕಾಶ್ ಪಿರೇರಾನ್ ಸರ್ಕಾರಿ ಕಾಮಾಂ ವಿಶ್ಯಾಂತ್ ಸಂದೇಶ್ ದಿಲೊ, ಶ್ರೀಮತಿ ಮೋಲಿ ಸಲ್ಡಾನಾನ್ ಸನ್ಮಾನ್ ಸ್ವೀಕಾರ್ ಕೆಲ್ಲ್ಯಾ ಭುರ್ಗ್ಯಾಂಕ್ ಬರೆಂ ಮಾಗ್ಲೆಂ, ಲಾಯಿಕಾ ಆಪೊಸ್ತಾಲಾದಿಚೊ ಆಯೋಗಾಚಿ ಸಂಚಾಲಕಿ ಶ್ರೀಮತಿ ಶೈಲಾ ಡಿ'ಸೋಜಾನ್ ಸಂಪನ್ಮೂಳ್ ವ್ಯಕ್ತಿ ಶ್ರೀಮತಿ ರೀಟಾ ಡಿ'ಸೋಜಾ ಆನಿ ಶ್ರೀ ಎವ್ಜಿನ್ ಡಿ'ಕುನ್ಹಾ'ಚಿ ವಳಕ್ ಕರ್ನ್ ದಿಲಿ. ಕಥೊಲಿಕ್ ಸಭೆಚಿ ಕಾರ್ಯದರ್ಶಿ ಶ್ರೀಮತಿ ಪ್ಲಾವಿಯಾ ಡಿ'ಸೋಜಾನ್ ಧನ್ಯವಾದ್ ಪಾಟಯ್ಲೆಂ.
ವರ್ಧಿ : ಶ್ರೀಮತಿ ಪ್ಲಾವಿಯಾ ಡಿ'ಸೋಜಾ.
(ಕಾರ್ಯದರ್ಶಿ - ಕಥೊಲಿಕ್ ಸಭಾ ನೀರ್ಮಾರ್ಗ ಘಟಕ್.)
