-ವಿನ್ನಿಫ್ರೆಡ್ ಪಿಂಟೊ, ಆಮ್ಚೊ ಸಂದೇಶ್ ಪ್ರತಿನಿದಿ
ಕಥೊಲಿಕ್ ಸಭಾ ಕಟೀಲ್ ಘಟಕಾಚ್ಯಾ ಮುಖೇಲ್ಫಣಾಖಾಲ್ ಕಟೀಲ್ ಫಿರ್ಗಜ್‍ಗಾರಾಂ ಸವೆಂ ಮೆಳೊನ್ ಜನವರಿ 17 ತಾರಿಕೆರ್ ದುಸ್ರ್ಯಾ ಹಂತಾಚೆಂ ‘ಸ್ವಚ್ಛ ಕಟೀಲು ಅಭಿಯಾನ್' ಕಟೀಲ್ ಫಿರ್ಗಜಿಚೆ ವಿಗಾರ್ ಮಾ| ಬಾ| ರೊನಾಲ್ಡ್ ಕುತಿನ್ಹೊನ್ ಮೆನ್ನಬೆಟ್ಟು ಗ್ರಾಮಚ್ಯಾ ಜಲ್ಲಿಗುಡ್ಡೆಲಾಗಿಂ ಉದ್ಘಾಟನ್ ಕರ್ನ್, ಕೊಂಡೆಮೂಲಗ್ರಾಮಚ್ಯಾ ಸೌಂದರ್ಯ ಪ್ಯಾಲೆಸಾಲಾಗಿಂ ಅಖೇರ್ ಕೆಲೆಂ. ಅಸೆಂ 3 ಕಿ.ವಿೂ ವರೆಗ್ ರಸ್ತ್ಯಾ ದೆಗೆನ್ ಆಸ್‍ಲ್ಲೆಂ ಸರ್ವ್ ಪ್ಲಾಸ್ಟಿಕ್ ವಿಂಚುನ್ ಪರಿಸರ್ ನಿತಳ್ ಕೆಲೆಂ.
ಹ್ಯಾ ಕಾರ್ಯಾಂತ್ ಸಿ| ಮಾರ್ಗರೆಟ್, ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಲೂಕಾಸ್ ಸಲ್ಡಾನ್ಹಾ, ದಾನಿಯೆಲ್ ಡಿ'ಸೋಜಾ, ಬೆಲ್ಚೆರ್ ಮಸ್ಕರೇನ್ಹಸ್, ವಿನ್ನಿಫ್ರೆಡ್ ಪಿಂಟೊ, ಸುನಿಲ್ ಸಿಕ್ವೇರಾ, ರೋಜಿ ಪಿಂಟೊ, ಗಾಬ್ರಿಯೆಲ್ ಡಿ'ಸೋಜಾ, ಶಾಂತಿ ಸಲ್ಡಾನ್ಹ, ಗ್ರೇಸಿ ಫೆರ್ನಾಂಡಿಸ್ ತಶೆಂಚ್ ಫಿರ್ಗಜಿಚ್ಯಾ ಸುಮಾರ್ 54 ಜಣಾಂನಿ ಮೆಳೊನ್ ಕ್ರಿಯಾತ್ಮಕ್ ರೀತಿನ್ ಆಪ್ಲಿ ಸೇವಾ ದೀವ್ನ್ 40 ವರ್ನಿ ಚಡಿತ್ ಬ್ಯಾಗಾನಿಂ ಪ್ಲಾಸ್ಟಿಕ್ ಜಮೊ ಕೆಲೆಂ. ಸಾಂಜೆರ್ 4.00 ವರಾರ್ ಥಂಡ್ ಪೀವನಾ ಸವೆಂ ಆರಂಭ್ ಕರ್ನ್ 6.30 ವರಾರ್ ಕಾಫಿ ಫಳಾರಾ ಸವೆಂ ಅಖೇರ್ ಕೆಲೆಂ.
